म के गरूँ????????

by Arun Chhetri Anuragi on Friday, May 20, 2011 at 8:19am

मलाई थाहा छ
आज तिमि धरधरी रुदैछौ
क्षत-विक्षत भएकी छौ
चोटै-चोटले बैरागीएकी छौ
म के गरूँ?????????
+ + +
तिम्रो अस्मिता
पटक-पटक लुट्ने
कुचेष्टा भईरहेको छ
कहिले हिलो छ्यापिएको छ
कहिले सिनो बनाई लुछ्न
खोजिएको छ उफ!
म के गरूँ?????????
+ + +
बद्नाम गर्दै छन् कति
कति धारे हात लाउदै छन्
अंगभंग पार्ने सुरमा कति
भाला र खुकुरी
गोलि र बम
भण्डारन गरि रहेका छन्
म के गरूँ?????????
+ + +
बेसहारा भा'कि छौ
सबै आफन्तहरु
परचक्री भएका छन्
छिमेकीहरु दाउपेचमा छन्
लुट्ने र नंगाउने
भन्
म के गरूँ?????????
+ + +
छ मन-मगजमा
केवल तिम्रै छाँया
कहाँ मार्न सक्छु र
तिम्रो माया
अझ जब सुन्छु तिम्रो
घाइते मनको चित्कार
र सुँक्क-सुँक्क
म पागल हुन्छु
म के गरूँ?????????
+ + +
सबै रमिते भए र म पनि
पुरा गर्न सकिन बाचा-कसम
भनेको थिएँ
निमेष-निमेष तिम्रै काखमा
बस्ने छु तिम्रै सेवा
र माया गर्ने छु
म के गरूँ?????????
+ + +
सबै बाचा तोडे जस्तो भो
तिम्रो साथ छोडे जस्तो भो
तर सत्य त्यो हैन
म आउछु यो परिबन्ध
तोडेर तिम्रै काखमा
तर तिमीलाई के हुन्छ?
कतै म आउदा
लगन पछिको चुरापोते
त हुदैन
भन
म के गरूँ?????????
बिन्ति-बिन्ति भन
म के गरूँ???????????
+ + +
आज सात-समुन्द्र पारि
तिम्रै बेदना सुनेर रुदै छु
हे मातृभूमि!हे साक्षात देब!!
हे जननी!!!हे मेरो
प्राण-पखेरु!!!!
म के गरूँ??????????
बिन्ति सिर्फ
एक पटक भन
म के गरूँ??????????