गाँउका कुरा

ठिकै गरेउ नि साईलादाइले,ढिकी चिरी बालेउ अरे!,,
ओखल-जाँतो उप्काइ बल्ल खोल्सातिर फालेउ अरे!
भन्थेउ सुन्तली गुन्यूचोली पटुकी छ मलाई प्यारो,,
सबै टुक्रा-टुक्रा च्याति हो?थोत्रो थाग्नो टालेउ अरे!,,
तारे काका कति राम्रो बाझै खेत बारीमा खर बुढो,,
उधारो माग्दै हो र?सुन्छु साहूको दैलो चालेउ अरे!,,
पाटी-पौवा मठ-मन्दिर के बनाउनु भत्काउन जाति,,
काजि बा'ले चौतारीको अझ बर-पिपल ढालेउ अरे!,,
यो पो काइदा भेषभुषा,रितिथिति लिलामीमा राख्नु,,
बधाई छ बधाई सगरमाथा सिरै काटी फालेउ अरे!,,