आधुनिक-गीत

यो मायाले किनार पारेउ हल्कोसंगै लग्छु भनि,,
सागर सम्म जुनी-जुनी अंगालेर बग्छु भनि,,
भन्छौ अरे उसको मेरो साथ लेख्या रैनछ,,
म भन्छु तिमीले मलाई आफ्नो देख्या रैनछ,,
तिमि किनार लाग्या भए सिलाजितै बन्थेउ होला,,
तिमीलाई पूज्ने यात्रीहरु औला भाची गन्थेउ होला,,
सबको भाग्य बलियो ईश्वर दाईना कहाँ हुनु,,
नत्र पक्कै पर्ने थियन मुख छोपी मैले रुनु,,
तिमि बग्नु सागर पुग्नु मोतिसंग नाता जोड्नु,,
मसंग झैँ जोडी नाता बिन्ति उता नतोड्नु,,
हजुरको त्यो सातैजुनी जिउने रहर पुरा गर्न,,
त्यहि माया अधार मानि तयार भा'छु म त मर्न,,
अनुरागी अरुण
syaangja,seti-dobhaan
हाल:NewYork ,USA