म त शिर्मा लाउँदिन बाग्मतिको जल हजुर,,
मिसिएको देखि-देखि काठ्माण्डौको ढल हजुर,,

हजुरआमा भन्नुहुन्छ पश्पतीमा तिर्थ गा'को,,
मिल्थ्यो रे सुन्दरीजल नुहाएको फल हजुर,,

पानी बग्ने नदीमा कठै!लेदो बग्छ बाह्रैमास,,
माथि पट्टी लाश पोल्ने स्नान गर्ने तल हजुर,,

बिष्णुमति मनोहरा हेर रोई रा'छान बरा!,,
नझार बिन्ति भन्दै फोहोर,मुत्र-मल हजुर,,

कस्तो थियो के भयो खै नेपाल-शहर अचेल,,
पोखिन्छ भन्छन सधै रगतको भल हजुर,,