सारै मिल्ने साथी हामी के कुराले फाटो आयो,,
हिड्दा-हिड्दै छुट्टिने खै कहाँनेर बाटो आयो,,

बिस्वासको गगन चुम्बी महल खडा गरी,,
बोलचाल टुंगाउने कुन चाहिँ लाटो आयो,,

संगै स्कुल,क्याम्पस पढेंऊँ दाजुभाई जस्तै,,
अबिर थियो हातैमा कसरी पो माटो आयो,,

तिमीलाई नै थाहा छ प्रदेशमा कस्तो हुन्छ,,
तिम्रो खुसि चाहिन रे सुने त्यस्कै साटो आयो,,

सत्य होला मेरो मन्मा रिस-राग छैन मित्र,,
यति राम्रो सम्बन्ध के कारणले टाटो आयो,,