कसैको मायाको खोजिमा लेखिएका अनी गायका चुट्का (ल है त मादल,खैजरी, मुजुरा सब ठीक पार्नुस हजुर)

हा.....मन परेको कान्छी मेरो माया छैन र!
म सुहाउने भैन र!
हा....कस्तुरी झैँ बास्ना छरेउ मनमा हरायौ!
रोइ-रोइ बाच्ने गरायौ!
हा....के को माया लाउथेउ काला सित गोरीले!
बाहुन थरकी छोरीले!
हा....सुन भनि गालेँ पितल रैछौ सैना त!
बोल्ने छोडेउ मैना त!
हा....पर-पर सर्छौ हुन्छौ खाली रिसाको!
कँहा छौ माया बिसाको!
हा....चुहुने भयो घर ठुटे खरले छाउनाले!
एकोहोरी माया लाउनले!
हा....रुमाल भय किन्थे मन फाटेर रुदै छु!
एकोहोरो हुदै छु!
हा....न त भुल्न सक्छु न त फुल्न त्यो मनमा!
के हुने हो जिबनमा!
हा....मन त छ नि अझै झ्याई-झ्याई बाजा बजाउन!
परि जस्तै सजाउन!
हा....आशा मार्या छैन छ बेला घाम लाउला नि!
ज्यानले माया पाउला नी!
हा....तिमीले भन्छेउ भने आउछु मुग्लान छोडेर!
जहाज भाडा जोडेर!
हा....हुने थियो जाति दुई पंक्षीको भेट भए!
एउटै मन पेट भए!
(यो भजन-चुट्काको संकलन हो जहाँ साँचो माया पोखिएको छ आदरणीय मेरा मित्रहरु एक पटक चुट्का लय मा गुनुगुनाउनु होला अनि कतिको मन छुन्छ अनि माटो बोल्छ अनि कमेन्ट गर्नु होला........)