गजल-"स्याङ्गजाली म"
मेरो भर नपर्नु है कालो मान्छे म त,,
धुजा-धुजा परेको छु टालो मान्छे म त,,

ठूला-ठूला मेरा कुरा नसुन्दिनु होला,,
यथार्थमा कमारो गोठालो मान्छे म त,,

हिड्दा बोल्दा ख्याल गर्नु फस्नु होला फेरी,,
बिषालु त्यो माकुराको जालो मान्छे म त,,

स्याङ्गजाली फटाहा छु परै बस साथी,,
जालझेल छलको संगालो मान्छे म त,,

दया माया छँदै छैन शिकारीकै पारा,,
धरोधर्म स्वार्थ भर्ने डालो मान्छे म त,,

सबैलाई भत्काएर राज गर्न खोज्ने,,
बिनाश्कारी हेर भूईचालो मान्छे म त,,